Des werd jetzt [fast] a kurzer BLOG Beitrag aber mit voller Ladung LIEBE, verstehst!

Oiso guad!
Des eigentliche Geheimnis vom Biergarten is:
er zwingt di zu nix, aba er nimmt di einfach auf!

Im Biergarten, Gspusi, do muasst NIX sei, du bist einfach do:
als Mensch,
mit deiner Brotzeit,
mit deiner Gschicht,
mit deiner Maß in da Hand!
Mehra ned!

Da Biergarten is der demokratischste Ort Bayerns, verstehst!

Da Opa mit'm Dackel,
da Grantler,
da Hipster mit sei Spezi,
da Rentner mit'm Radi,
da Handwerker mit'm Hendl,
da Anwoit in sei teiers DIRIDARI Gwand,
de Mutter mit dem verzogenen Schratzn,
da Touri und so weida!

ALLE san gleich und des Wichtigste: WILLKOMMEN!

De meisten Menschen glauben es geht imma nua um's Bier (guad duats a)
aber in Wahrheit, sama ehrlich unter uns, geht's um die RUHE und i moan a diese innere Ruhe, verstehst…
...wennst von dei Radl obsteigst,
dei Tascherl in da Hand,
dei Platz ansteuerst,
di hisetzt,
erstamoi okimmst,
a bisserl schaugst,
die Sunn scheint da ins Gsicht,
da Laue Wind streicht da übers Hoar,
du hoist tief Atem unterm Kastanienbaam,
sogst hier und do a moi Servus, weil man kennt si,
jetzt bist okemma,
da Weg führt di grod aus zua Schänk,
dei Steinkriagal host dabei oda a ned,
des Bier wart trotzdem auf di und konns kaum dwartn ausm Hoizfassl zum fliessn,
du trogst dei SCHAUMIGE wieder an dei Platzl retour,
hocks die hi,
nimmst an Schluck,
jetzt bin i do,
losglassn von da Welt da draußn.

Und vielleicht noch ein kleines, gut gehütetes Geheimnis:
da beste Platz is selten der mit’m schönsten Blick,
da beste ist imma do wo jemand "Servus, hock di herra" sogt, ohne dass a di kennt.

Und wenn zwoa Deppen (#danket) a moi im schönsten Sommer den gleichen Gedanken hom,
dann is folgendes zum Abschluss zum sogn:
dieses brabbeln der Stimmen, 
das dumpfe Klirren der Krüge,
das hat tatsächlich
was Beruhigendes,
fast Geborgenes!

Hearst es?

Willkommen in meinem scheensten Biergartengfui Bazis, am Zaun unter mei Kastanienbaam!
Mei boarischer Seelenmoment, festgehalten fia eichI

Bussi,
de N.

#mogstschmusn® #mogstschmusn®dasoriginal #münchenliebe #schaumige #biergarten #bayernliebe #münchenblog #kastanienbaum #maßbier #biergartensaison #frühlinginbayern #obazda #brotzeit #bayerisch #bayern #bierkultur #geschichtemitgfühl #grantlerliebe #dahoam #boarisch #traditionlebt #prostmiteinand #boarischerblog #unterkastanien #bavaria #munich #beergarden #holzfass #bierfass #hoizfassl #einfacherklärt #biergartengfui